Главная  >  Новости
18.07.2008
Сельскагаспадарчыя арганізацыі раёна пачалі ўборку рапсу. На 17 ліпеня ён зжаты на плошчы 285 гектараў, намалочана 707 тон зерня (ураджайнасць 25 цэнтнераў з гектара).
18.07.2008
Калектыў мастацкай самадзейнасці гарадскога Дома культуры моладзі стаў лаўрэатам V Міжнароднага фестывалю-конкурсу “Ой на Івана, ой да на Купалле”, які праходзіў у Сімферопалі. Случчане былі адзінымі прадстаўнікамі Беларусі.
18.07.2008
За парушэнні заканадаўства аб працы і правіл па ахове працы ў першым паўгоддзі 2008 года работнікі Слуцкай міжраённай інспекцыі працы аштрафавалі 28 службовых асоб, да 26 наймальнікаў прыменены эканамічныя санкцыі на суму 22,9 мільёна рублёў.
18.07.2008
 19-гадовая случчанка Анастасія Мірончык заняла другое месца на чэмпіянаце свету па лёгкай атлетыцы сярод юніёраў, які праходзіў у польскім горадзе Быдгашэ. Анастасія ехала на спаборніцтвы з персанальным рэкордам 6,71 м і ўвесь час трымалася трэцяй.
18.07.2008

Хлебнай сілай напоўніўся колас збажыны – вынік карпатлівай працы хлебаробаў. На раённым свяце “Зажынкі-2008”, якое прайшло на гэтым тыдні на хлебнай ніве адкрытага акцыянернага таварыства “Слуцкі Аграсэрвіс”, шмат цёплых слоў гучала ў адрас працаўнікоў палёў, тых, хто не шкадуючы сіл, рупліва здабывае галоўнае багацце краіны – хлеб.

18.07.2008

Бурнымі апладысментамі сустракалі жыхары вёскі Рачкавічы калектыў мастацкай самадзейнасці Лядненскага сельскага Дома культуры.

Аксана Гапановіч, Ніна Амяльчэня, Ірына Латушка, Марта Скрыган, Вольга Кудзёлка, Ірына Ісаевіч і іншыя паўтары гадзіны весялілі вяскоўцаў сатырычнымі байкамі, жартоўнымі сцэнкамі, вершамі ды песнямі на любы густ. Але без дырэктара СДУП “Саўгас “Рачкавічы” Мікалая Рыгоравіча Красуцкага нельга было б прыехаць калектыву СДК з канцэртам у другую вёску.

18.07.2008

У Віцебскай вобласці на базе адпачынку “Лосвіда” праходзіў рэспубліканскі фестываль “Іграй, гармонік, звіні, прыпеўка”.

Калектыў мастацкай самадзейнасці УП “Ямпаль-Слуцк” ГА “БелТіЗ” прымаў актыўны ўдзел у фестывалі. Яго ўдзельнікі паказалі высокае майстэрства і арыгінальнасць конкурснай праграмы. Па выніках фестывалю калектыву прысвоена званне дыпламанта, а ў асабовым заліку дыпломамі ўзнагароджаны Аляксандр Шэлег і Іван Жук за самаўдасканаленне ў ствараемым вобразе на сцэне, Анжаліка Паплёўка – за імправізаванае майстэрства вядучай, Вераніка Шумік – за лепшую рэжысуру, а прыз глядацкіх сімпатый атрымала Лідзія Жаўрыд.

18.07.2008

Калектыў мастацкай самадзейнасці Лучнікоўскага цэнтра культуры правёў для вяскоўцаў свята лета “Вясёлка добрага настрою”.

У гэты дзень гучалі добрыя песні, праводзіліся шматлікія конкурсы. Не абышлося і без танцаў, а музыка была разнастайнай – і для дарослых, і для дзяцей. Моладзь – самы актыўны ўдзельнік мерапрыемства. Уразіла, што юнакі і дзяўчаты добра ведаюць і танцуюць вальс, падыспан і іншыя танцы.

18.07.2008

Больш за 20 гадоў дзейнічае пры гарадской дзіцячай бібліятэцы літаратурна-музычны салон “Ліра”.

Прывіць любоў да мастацтва і літаратуры, навучыць дзяцей навыкам зносін паміж сабой, спасцігнуць духоўны свет папярэдніх пакаленняў – гэтыя і іншыя мэты ставяць перад сабой супрацоўнікі бібліятэкі. Адзін з галоўных напрамкаў дзейнасці салона – работа з таленавітымі дзецьмі. Таму бібліятэка працуе ў цеснай сувязі з музычнай і мастацкай школамі, цэнтрам дзіцячай творчасці, настаўнікамі.

18.07.2008

Слуцкие пояса – явление многогранное.  Одна из загадок, почему эти пояса пользовались большим спросом  у магнатов  и шляхты?  Какой смысл они вкладывали в красоту шедевров? Свой взгляд на эту проблему высказывает кандидат искусствоведения, доцент, заведующая отделом научно-просветительской работы Национального художественного музея Беларуси Ирина Николаевна СКВОРЦОВА:

– Слуцким поясам, бесспорно, принадлежит одно из самых замечательных мест в истории белорусского искусства.

© Слуцкий районный исполнительный комитет, 2008
Разработка и поддержка сайта БЕЛТА
Rating All.BY